आंतर महाविद्यालयीन युवा महोत्सव २०२६-२७

प्रपत्र क्र.१ या सोबत एस.एस.सी., एच.एस.सी. परीक्षा उत्तीर्ण प्रमाणपत्र, महाविद्यालयात प्रवेश घेतल्याबाबत शुल्क पावती व महाविद्यालयाचे ओळखपत्र, यांच्या दोन सत्यप्रती महाविद्यालयाचे काउंटर क्र. १ ते ५ येथे सादर करून नोंदणी करावी व त्याची महाविद्यालयीन प्रतीवर पोच घेऊन इतर स्पर्धेच्या ठिकाणी दाखवून कार्यक्रमाची नोंद करून घ्यावी त्याशिवाय स्पर्धेत भाग घेता येणार नाही.

प्रपत्र क्र.२ प्रत्येक कलाप्रकारासाठी चार प्रतींत स्पर्धेच्या ठिकाणी सादर कराव्यात.

व्यावसायिक साथीदारांना प्रमाणपत्र देण्यात येणार नाही.

वेळेवर कोणत्याही कला प्रकाराची प्रवेशिका स्वीकारण्यात येणार नाही.

सर्व सहभागी चमूंनी स्पर्धा सुरू होण्यापूर्वी स्पर्धेच्या ठिकाणी अर्धा तास अगोदर नोंदणी करणे आवश्यक आहे.

फाइन आर्ट्स या कलाप्रकाराचे सर्व साहित्य स्पर्धकांनी स्वतः आणावे.

युवा महोत्सवाचा संघ ४९ (एकूणपन्नास) (६ साथीदारांसह, एक पुरुष व्यवस्थापक व एक महिला व्यवस्थापक) तसेच जे महाविद्यालय आदिवासी नृत्य या कलाप्रकारामध्ये सहभागी होत असेल त्यांची जास्तीत जास्त संख्या एक पुरुष व्यवस्थापक, एक महिला व्यवस्थापक व साथीदारांसह ५४ व्यक्तींचा सहभाग राहील.

एकांकिका, स्किट आणि माईम या कला प्रकाराकरिता प्रपत्र क्र.३ च्या चार प्रतींमध्ये स्पर्धेच्या ठिकाणी सादर करावे.

जे स्पर्धक सहभागी होतील त्यांचीच नावे प्रपत्र क्र.१ मध्ये नमूद करावी.

स्पर्धकांचे ओळखपत्र परीक्षकांनी निर्धारित करण्यात आलेली मुद्रा अंकित केली किंवा नाही याची शहानिशा करून सदर ओळखपत्र स्पर्धा स्थान सोडण्यापूर्वी व्यवस्थापकाने एका नस्तीमध्ये (फाईलमध्ये) एकत्रित करून महाविद्यालयाच्या काउंटर क्र. १ ते ५ वर जमा करावी.